من أجمل القصائد ... أنتهيـــــنا ...

انتهينه
وانتهى
الما ينتهي وخلَّص حجينه
انتهينه
وبقت
كَطرات الوفه المذبوح تتناثرعلينه
وبقت
للمجفين كوم اسرار عد روحي الامينه
وكون ندري
بالعتاب يفيد بيهم عاتبينه
وكون يسوون
البجي
جا بثنعش
ناظر بجينه
غافلونا
وباكَو
العشرة غفل من بين ادينه
وباكَو من
ايد العمر سنتين وبوجهم رضينه
تالي نزعوا
شوكَنا من كَلوبهم
وكَالوا
عوض عنكم لكَينه
تالي سدوا
بابهم من شافوا عالباب اجينه
شكَكَوا مكتوبنه
وبلا خجل ذبو علينه
تندمينه
جينه
وجينه نسحل شوكنه برجل الندامه وأيسينه
وابتعدنا
بعيد لكن طيفهم ظل يعتنينه
ظلت
حجاياتهم عالبال ما جلمه نسينه
ياما لسعتنا الشمس وبفي كَصايبهم غفينه
يامافيَّضنه الوفه وحطّولنا المهجة سفينه
ياما ذبنه
العطش يمهم وبجدح جفاهم روينه
تالي نزعوا
شوكَنا من كَلوبهم
وكَالوا
عوض عنكم لكَينه
تندمينه
جينه
بجنازة عشكَنه المات غفله وأيّسينه
وابتعدنا بعيد
لكن طيفهم ظل يعتنينه


تالي طبكوووووو بابهم

وبنار فشلتنه أنجوينه

تالي نكرو شوكنه وسجه أسنينه
وسالموو غربــه ونســو لويات أدينه ؟!

أتندمينـــــه

أشلون قشمرنه الكلب والهم مشينه
أشلون ماتبنه بجرح وعلى الجروح اتعودينه

شتلو أدروب العشكـ عثرات

وشـــــــلون أنعمينه؟؟؟!

وهذا حدنه ويه الهوى وطاري الوفه

وشوكـ المدينه
وكــون يسوون البجي

جـــا بثنعش ناظر بجيـــنه

وأنتهينه ........ حرامات أنتهيـــنه